TALA LATA MAI I LE COVID-19 MO LE TATOU EKALEISA SANDRINGHAM

E talitonu o lo'o manuia le latou Ekalesia i le tausiga agalelei a lo tatou Matai sili i le lagi. Fa'amalo le tapua'i fa’afetai le tatatlo.

E i ai fo'i se manatu e lē o pō malaē i le fa’amoemoe ua i ai nei Niu Sila ma le malō i le latou taumafaiga e fo’ia le fa’ama’i o le COVID-19, ae maise lava mo Aukiani o lo’o pesi ai pea ma malosi le COVID-19.

Na amata i le Aso Gafua (21 Setema) ona soifua tagatanu’u o Niu Sila i tu’utu’uga o le Level 1, ae tumau lava Aukilani i le Level 2 – ma āiaiga malolosi - e amata i le Aso Tofi (24 Setema).

O NISI NEI O ĀIAIGA E A’AFIA AI LE TATOU EKALESIA I LE LEVEL 2:

  1. 1.     E tumau pea le na’o le to’asefulu (10) o tagata e mafai ona potopoto fa’atasi i se nofoaga i se taimi e tasi, e aofai ma lotu ma tapua’i.
  2. 2.     E fa’amalosa pea ufi fofoga i taimi e femalagaa’i ai i ta’avale ma pasi ma nofoa afi e iai tagata lautele.
  3. 3.     E lapataia fo’i tagata uma e fai ufi fofoga i so’o se mea e tumutumu ai tagata, mo lo outou saogalemu
  4. 4.     E fa’amalosi le tausi o le va (social distancing)
  5. 5.     Ia saini api pe fa’aaoga le APP a le COVID-19 e fa’amauina ai lou suafa i so’o se nofoaga e te asiasi i ai (contact tracing)
  6. 6.     Tausia pea le tumamā i le fa’amamāina o lima

O SE VA’AI I LE LUMANA’I MO LE TATOU EKALESIA:

  1. 1.     E fa’aauauina pea a tatou tapua’iga i luga o le upega-tafa’ilagi i le Facebook Live Streaming i lalo o le igoa EFKS Sandringham.
  2. 2.     E i ai le fa’amoemoe atonu e o’o atu i le Aso Sa, aso 4 Oketopa 2020, ua fa’aitiitia le tulaga e paū i ai le Level (talosia o le Level 1) ona fa’atagaina lea o le to’atele e auai i lotu ma tapua’iga.

LOTU TAMAITI ASO SA 11 OEKTOPA 2020:

  1. 1.     Mo le LOTU TAMAITI i lenei tausaga e fai mea fa’alogo lava i fuafuaga a le malō o NIu Sila.
  2. 2.     A fai tatou te ausia le Level 1 mo le Aso Sa o le Fanau – le Aso Sa lona lua o Oketopa (11 Oketopa) ona fa’aauauina lea o le Aso Sa o le fanau i le latou Lotu a Tamaiti.

FUAFUAGA MO LE LOTU A TAMAITI E TAPENA I AI PE A FA’ATAUNU’UINA:

  1. 1.     Fa’amolemole e tapena mai fanau a aiga ta’itasi a le tatou Aulotu mo le fa’amoemoe o le Lotu a Tamaiti – e pule le aiga pe aua i lenei fa’amoemoe ae maise pe ā i ai ni lagona lē mautonu i nisi o mātua.
  2. 2.     E fautuaina le tapena mai na’o se pese, pe na’o se fa’a-evagelia, pe na’o se tauloto – ae fa’amolemole e lē lua pe tolu ni aitema ona o le utiuti o le taimi…
  3. 3.     E mafai ona tu’ufa’atasi aiga ua masani ona mafuta i lalo o le vavao ma tapu a le malō o Niu Sila.
  4. 4.     E lapata’ia lava le tatou Ekalesia aua le militino fa’atasi fanau e le masani ona mafuta (not the same bubble), ae maise lenei taimi o lo’o tatou i le Level 2 ma āiaiga malolosi.

 Ia malu puipuia pea le tatou Ekalesia, fa’apea o tatou aiga, i lenei vaiatau. Ia lava pea le onosa’i auā e sili lava le puipuia i lo le togafitia. Alofa le tasi i le isi.

 

Ia manuia le tatou Ekalesia i feau ma galuega o lenei vaiaso.

Posted: Tue 22 Sep 2020

Back

© Copyright Featunai B Liuaana - Site map
Phone: +64 8460180 Sandringham New Zealand

Website Builder - Website World