FA'ASILASILAGA TAUA MO LE TATOU EKALESIA, MA AIGA, FA'APEA UO MA PA'AGA I LE TALAELLEI....

O le afiafi o le Aso To'ana'i (ananafi lea aso 29 Aokuso 2020) na fa'alaua'itele ai le fa'asilasilaga aloa'ia a le Malo o Niu Sila ina ia su'eina uma tagata o lo'o aumau i Aukilani i Saute (South Auckland) ma Aukilani i Sisifo (West Auckland) mo le siama o le COVID-19.

O LEA E FA'ASILASILA ATU AI E FA'APEA....

O le a fa'ataunu'uina le su'euina (Testing) o tagata o le tatou Ekalesia, ma tagata o Ekalesia uma i lalo o le HVAZ, ma so'o se tagata e alaala i Aukilani, mo le siama o le COVID-19 e auala mai i le tatou faiga-pa'aga ma le Alliance Health Plus i le tatou Polokalame o le HVAZ, i aso ma taimi e pei ona ta'ua i lalo...

Aso Gafua, 31 Aokuso 2020, i le 9.00am i le 6.00pm

Aso Lua, 01 Setema 2020, i le 9.00am i le 6.00pm

NOFOAGA: EFKS Sandringham (Carpark), 8 Calgary Street, Auckland

E NONOFO LAVA I TOTONU O TA'AVALE I LE TAIMI E SU'EINA AI...

E fautuaina le tatou Ekalesia ma aiga ma tagata uma e le'i su'eina mo le siama o le COVID-19, po'o e fo'i ua toe fia su'eina mo le siama o le COVID-19, ia fa'atauaina lenei avanoa ua fa'ama'ite e le Soifua Maloloina mo i tatou.

Fa'amolemole e logoina o tatou aiga ma uo i lenei fa'asilasilaga, ina ia to'atele nisi e iloa ma fa'aavanoa mai mo lenei su'su'ega taua.

O se tatou sao tele lea i le taumafai e fo'ia ma fa'amuta le COVID-19 ua fai ma sasa i o tatou aiga ma lo tatou atunu'u, ae maise lo tatou a'ai o Aukilani.

Faafetai

Featunai & Perise Liuaana

Posted: Sun 30 Aug 2020

Back

© Copyright Featunai B Liuaana - Site map
Phone: +64 8460180 Sandringham New Zealand

Website Builder - Website World