FAUTUAGA LATA MAI A LE MALO O NIU SILA I LE COVID-19 ASO GAFUA 11 ME, 2020

FAUTUAGA LATA MAI A LE MALO O NIU SILA I LE COVID-19

ASO GAFUA 11 ME, 2020

O lea fa’atoa mae’a le fa;asilasilaga a le Susuga a le Palemia o Jarcinda Adern, i le fa’amoemoe o Niu Sila e tu’ua le Maualuga lona 3 (Level 3) o lo’o i ai nei mo le Maualuga lona Lua (Level 2). O lenei  suiga e amataina i le po o le Aso Lulu, aso 13 Me, 2020 i le 11:59pm.

FA’AMOEMOE O LE MAUALUGA LONA LUA

  • Tatalaina pisinisi uma pe a saogalemū ona fai
  • Tatalaina āoga uma
  • Tatalaina fale’aiga, fale kofe, ma fale pia
  • E mafai ona faimalaga i le va o itulagi (region)
  • Asiasi ma mafuta ma uo ma aiga e latalata so’otaga (close friends and relatives)
  • Tatalaina nofoaga fa’amalositino ma nofoaga o tafaoga (recreational)
  • Ua mafai ona auai i fa’aipoipoga, maliu, aso fanau, ma le atoaga o tausaga fa’apitoa, i lalo o āiāiga fa’ata’atitia
  • Tatalaina tapua’iga ma Lotu i na’o se vaega to’aititi pe ā tausia tulafono a le soifua malolōina

PUIPUIGA I LE MAUALUGA LONA LUA

  • E fautuaina na’o le to’asefulu (10) tagata le to’atele o se mafutaga i le taimi e tasi
  • Tausia pea le va o le tasi i le isi e pei ona i ai nei i le 1-2 mita
  • Fafano pea lima ma tausia pea uiga tū mamā
  • E fa’aauauina pea le su’eina (testing) o tagata pe maua i le fa’ama’i covid-19 i le atunu’u atoa
  • E fa’atumauina pea le nofo ese to’atasi (self-isolate) o i latou e iai āuga o le covid-19
  • E saunia fo’i aiāiga e malu puipuia ai le feōa’i i le va o itulagi ma mafutaga
  • Na’o mafutaga to’aitiiti e fa’atagaina; ua fa’amalosia le to’asefulu (10)
  • O āoga uma o le ā tatalaina, e tatalaina i lalo o aiāiga e malu puipuia ai fanau āoga
  • Taumafai e aua le mafuta va latalata ma tagata e te lē masani ai, ona e faigata ona su’eina pe ā pu’eia se tasi i le covid-19 – ae maise lava i nofoaga e iai mea tā’alo a tamaiti i se paka, o faleoloa tetele (shopping malls), fa’apea savaliga i le aualatele
  • O fale ‘otiulu ma fale fa’inifo, ma isi nofoaga fa’apenā etatau lava na lata le va, ua tapenaina fo’i aiāiga talafeagai ina ia malu puipuia tagata uma.

FAUTUAGA MO TA’ALOGA.

Silasila ane i le tuātuis upega-tafa’ilagia lea mo se fa’amatalaga: https://sportnz.cwp.govt.nz/covid-19/alert-level-information/

MO NISI FA’AMATALAGA

E maua atili se fa’amalamalamaina o nei ma um ai le tuatusi upega-tafa’ilagia a le malo: https://covid19.govt.nz/

MANUIA LE TATOU EKALESIA MA AIGA I LENEI VAIASO

Featunai & Perise Liuaana

Posted: Mon 11 May 2020

Back

© Copyright Featunai B Liuaana - Site map
Phone: +64 8460180 Sandringham New Zealand

Website Builder - Website World